ياريت اتبهذل احوالي ......@

ياريت اتبهذل احوالي
كشخت الخاطرك لابس اعز تابوت
وعزرائيل جبته وعرفيته اعليك بلكي اصير
جتالي
رضيت اصير جتالي تهموك بكتلتي
وكلبي بيدك جان
سئلوني اعله ذنبك خفت لايئذوك
جذبت
وكلت لا هاذا مومالي
تكرهني وحبك ولمصيبه الناس
احسهم جنهم الشمات
يكلولي انته كلبك مات
مو بس اني اخجل يخجل اخيالي
محطت ذكرياتك شيلهه من البال
اريد ارتاح عندي اجروح
من بالي انته يمته اتروح
روح اختارلك اي بال مالاكي انته بس بالي
تغني بصوتي وي الناس وتسكر ليش
ويمي اتغني بلاصوت
يسئلونوي وكلهم لا اجه بلطيف غنالي
الهوا يعرك نفس لومره مر طرواك
وانا اعرك جرح لو خطف طاري هواي
عشرتي وياك عشرت شمس وي الليل
ربك رادهه مارهماك وياي
ابكل نكرت جدم من عندي شهكه اضيع
الهوا خلصته بعدك كمت اشهك الماي
الهوا يوكف اذا تخطف تهب الروح
كمت اشهك ابروحي من اكعد اهواي
من اشهك الهوا يعثر بكلبي ايتيه
من كد ماطعني الكلب صاير ناي
مشه كلبي بحجي ويكله وتعناك
قبل لا انوي اجيلك
حجه وهاي حجايه
الشمس يم جبل شفتك تبرد من النار
صيف اشفايفك تيهت بي اشتاي
انا الضميت الك فوك الجفن جم طيف
اول طيف شيب بالي من اصباي
انا بلحضة وداعك شفت عمري ايضيع
مثل حسرة التشكه على الغرك بلماي
اطلع الذكريات من الدليل بشوك
مثل ماطلع خنجر فركتك بهداي
رحت وجروحي ركضت ركضت العميان
اجروح بلانضر وبصوت تدعي وياي
يمته اتعودلي وصوت احس ايعود
طلع العود بس اسمعه باجر جاي
امد علنضره كلمه وصوت عيني يروح
يجيك بركص مثل حيه بيوم تسمع ناي
اصد لمرايتي اعلى فركاك
احس بخيط ما اكدر اميز وجهي من اكفاي
العقل يسكر ويطوطح فكري من اتفوت
بعقلي الخاطرك كمت اعثر ابممشاي
نفس تزرع خطوتك وانا جنت اتراب
جاما دست بيه وطلعتلي الروح
ماهاضمه فكرت تبتعد ونساك
جاوجروحي غير اتكلهه جاي اتروح
ام ومات ابنه بيوم زفته وليد
هيج الروح بعدك ماتبطل نوح
انا من اشتاقلك وي جرحي اسولف
بيك صارت زحمه من خليت بيه اجروح
اليبجي ابلا وعي دمع امه ميكفي
وليبجي بوعي وي دمعه تنزل روح
اكتبلك تعال ومن يصير الليل
احسهه تنكلب اقراهه يمته اتروح

.......................علي الايطالي..@