اخر نفس .....مع تحيات علي الايطالي

( آخر نفس )

واضحه بجيتك ملامح فركتك
بيهة ضحكة رايح وهمسة وداع
وشهكه بيهه آخر نفس من عشرتك
بوجهك أحجي بدمعتي وإنت بكفاي
إتكبر بهمي وأكبر ضحكتك
بكصتي شايل عزتي وفشلة حياء
إتبدت إعله ألكاع بس مابدتك
تستحي جروحي لون ذكرك يفوت
تصبح إبلون ألورد ألبوجنتك
وانت ممقصر حشاك إمن ألقصور
كمت تسحك بيهن بجف خطوتك
يل ولا حبيتني اخذ السنين
وخلي منهن بس ضحكتي وشوفتك
ردت اعض ايدي ولاكن مستحيل
اشلون اعضهه وبيهه اثر من لمستك
راحتي ابتعبي ودمعتي ابمستحاي
ابينهن خليت حزني وراحتك
خنجرك فزز جرح غافي بجفاك
وكعد احلامي التغازل يقضتك
اباثر دربك زارع ايامي ومشيت
أمأمن تخضرلي بيهن صورتك
وخضرت صورت جفه وراح ونساك
وصفحه مشكوكة وعليهه امحبتك
لملمت كل دمعي بالكوة و بجيت
إستفحلت ذلة ضميري لعزتك
ها يخيال ألسوالف والحنان
ألفركه بس وياي صارت مهرتك
جيتني رايح ولاجنك إجيت
شايل بوجهك ملامح فركتك