موعد ...راسه ابيض ......علي الايطالي...@

موعد راسه ابيض شايب ادكول
عليه العمر فات او ولفه مافات
يسرح بيك بالي ايروح الوين
يتيهني واليه اجيبه شمات
تجرحني المشاعر لمن اشتاك
بعلو ذلتي اصيح العزه هيهات
افتحت ايدي صليب ابيوم زفوك
وعله حضني اصلبتهه اهواي حضنات
سولفلي شعورك باخر الليل غصب لو عن مشاعر لمن اتبات
عليك ابدم عشكنه السال بجفاك تجي ابالك حضنتي ابحضنه مرات
ماتقصد كلت من شفتك وياه صوج اعيوني كتلك ذني صلفات
درتلك نبع عمري ومادرت بال
وخضار اغصان روحي باقي خشبات
تأقلمت اعله جرحك صار روتين
يومي ابلا طعم لو ماكو طعنات
يثاوب الليل من اسهر وياك
وسموم الصيف جان ايصيح نسمات
اذب سمعي طعم واسنط اصيد
اسمك من تسولف يمي شمات